Kadzo na Furaha were ni asena akurya na kusazirana.Atu anji maona ni mutu na mvahawe kwa zhomarekala mahamwenga zhomu.Makala manambirana Siri zao na makihenda utu wowosi hamwenga.Were manenda khunini hamwenga na hatha madzini.Were Kadzo akimala kwenda madzini suthu ende kwa ni Furaha akamuhale mende hamwenga.Were hatha hatha mumwenga wao akikosana na azhazie lazima angembira mwanziwe.Kwa kukala ndio asichana hakiyao ho laloni marekala na elimu ya dzulu mapata heshima ya dzulu pia kumbola kwa avulana na hatha asichana anziyao.Makala mamarigiza sikuli ya sekondari kila mumwenga anandhariza kuhirikwa mbere.
Kadzo wabahathika kwenda chuoni kushomera kazi za ofisini.Furaha wabaki mdzini mwaka muzima akindhariza bahathi ya kwakwe naye.Wakathi wa likizo were Kadzo anadza mdzini na manakala hamwenga na kuhenda mautu hamwenga na Furaha.Furaha naye wakwenda shomera upishi na akikala mpishi hodari.Asena aa makala manasaidhiyana kwa kila ngira.Makala makingizana moyo na kwenda kanisani hamwenga.

. Kwambolera kiso kii na Kadzo akiricha kushoma kwa kukosa pesa.Waamua kuhumira elimu iyo arepata kumala kazi thithe za ofisini here mwandhishi.Wabahathika kupata kazi kwa chifu.Wakala anahenda kazi ii na kudziikira ili afishe pesa za kumjya sikuli.

Were ho hehi na hao Hana thajiri mumwenga arekala na nyumba bomu zhomu ya ghorofa ela were mwenye khakala haho .Hakala hana muhendi wa kazi arekala anatsunza uwo mdzi.Haho ndiho were Kadzo na Furaha manenda makiheka madzi.Mdzi uwo were una mihi ya kila aina na miluwa ya kufahiza.Pia were hana maembe na mapera garigo thapakaa kila hatu kwa kukala khagana aryadzi.

Siku mwenga Kadzo na Furaha marihogonya kucheka madzi mavoya matsole maembe.Kabila khamadzangwe khupewa ruhusa ni ye muhendaji kazi arekala anasitasita mwambola mthana mdzo zhomu mo nyumbani na akiambira mende makatsole.Marihokala manatsola,wakudza aviza kutsola.Marihogonya wangira nyumbani akimboza kikahana akiapa ili matsukulire.Marihokala manenda wadzimbozera kuaviza kutsukula chokikahana kwa kukala were mandatsukula madzi.Furaha nde arefika kwao na kwanza na makithinya makigazha go maembe na Kadzo akienderera kwenda kwao na ye muvulana akiamba andamuviza ili auye na cho kikahana